Latihan Ulikan Kabasaan | Kecap Rajekan Basa Sunda

Urang geus wanoh kana kecap rajekan nyatana nu aya 3, Kecap Rajekan dwipurwa, dwimadya jeung dwilingga anu kabagi deui dua nyatea, dwimurni jeung dwireka. tah ayeuna pek ku hidep latihan ngasupkeun kecap rajekan dina kalimah-kalimah anu aya dihandap.

1. “Dasar budak nurustunjung, dipapatahan ku kolot téh kalah ka (cengir) baé, teu éling sugan!”
2. ”Tuh geura aya jelema (ilik) baé ka imah urang, boa- boa nu rék nganjang. Tapi kétah palangsiang boa- boa rék (paling)!”
3. Dodi urang Ciséwu, kakara pisan nyaba ka Jakarta. Atuh salila di Jakarta téh ngan (ider) baé: ka Gedong Gajah, ka Pasar Glodok, ka Monas, malah kungsi ka Cengkaréng sagala.
4. Ka budak nu sok daék (cokot), tangtu moal réa nu resepeun.
5. Lamun ngarumasakeun teu boga duit, ulah sok (tawar), bisi kawiwirangan.
6. Ngarah diandel jeung dipikarunya, nu baramaén téh ngomongna (lengis) baé.
7. Ogi, ulah (sépak) di dieu bisi kana kaca! Mun rék ménbal mah mending di luar geura!
8. Pa Aténg ayeuna mah geus pangsiun, gawéna téh ngan ukur (pancong) di buruan, (tanceb) lulumayanan.
9. Si Arman gawéna ngan (balik) baé siga aya nu ditéangan. Néangan naon manéhna téh nya?
10. Ulah sok (seuri) sorangan, bisi disangka nu gélo!

Tulis deui soalna bari larapkeun kecap rajekan nu dijero kurung.